നിയമ വാർത്ത

ന്യൂഡൽഹി: ഭാരതീയ ന്യായ സംഹിതയിലെ (BNS) 69-ാം വകുപ്പ് പ്രകാരം വിവാഹ വാഗ്ദാനം നൽകി വഞ്ചിച്ചുവെന്ന കുറ്റം ചുമത്തണമെങ്കിൽ ബന്ധത്തിന്റെ തുടക്കം മുതൽ തന്നെ വിവാഹം കഴിക്കില്ലെന്ന ദുരുദ്ദേശ്യം പ്രതിക്ക് ഉണ്ടായിരുന്നതായി തെളിയിക്കപ്പെടണമെന്ന് സുപ്രീം കോടതി ഉത്തരവിട്ടു. ബന്ധം പിന്നീട് തകർന്നുവെന്നതോ, ഒഴിവാക്കാനാകാത്ത കുടുംബ സാഹചര്യങ്ങൾ മൂലമോ എതിർപ്പുകൾ കാരണമോ വിവാഹം നടക്കാതെ പോയി എന്നതോ ക്രിമിനൽ കുറ്റമാക്കാൻ തക്ക കാരണങ്ങളല്ലെന്ന് ജസ്റ്റിസ് ബെഞ്ച് വ്യക്തമാക്കി.

ഡിജിറ്റൽ പ്ലാറ്റ്‌ഫോം വഴി പരിചയപ്പെടുകയും പരസ്പര സമ്മതത്തോടെയുള്ള ബന്ധത്തിൽ ഏർപ്പെടുകയും ചെയ്ത കേസിൽ രജിസ്റ്റർ ചെയ്ത എഫ്.ഐ.ആർ സുപ്രീം കോടതി റദ്ദാക്കി. പ്രതിക്ക് തുടക്കത്തിൽത്തന്നെ വഞ്ചിക്കണമെന്ന കപട ഉദ്ദേശ്യമുണ്ടായിരുന്നില്ലെന്ന് കോടതി നിരീക്ഷിച്ചു.