നിർബന്ധിത വിരമിക്കൽ പ്രതികാര നടപടിയാകരുത്: അടുത്തിടെ സ്ഥാനക്കയറ്റം നേടിയ ഉദ്യോഗസ്ഥൻ ‘ഡെഡ് വുഡ്’ അല്ലെന്ന് സുപ്രീം കോടതി
എസ്.എസ്. ദാസ് v. യൂണിയൻ ഓഫ് ഇന്ത്യ | റൂൾ 56(j) ദുരുപയോഗം ഭരണഘടനാ വിരുദ്ധമെന്ന് സുപ്രീം കോടതി
പൊതുതാൽപ്പര്യത്തിന്റെ പേരിൽ ഉദ്യോഗസ്ഥരെ നിർബന്ധിതമായി വിരമിക്കാൻ വ്യവസ്ഥ ചെയ്യുന്ന ഫണ്ടമെന്റൽ റൂൾസ് (FR) 56(j) അച്ചടക്ക നടപടികൾ ഒഴിവാക്കാനുള്ള കുറുക്കുവഴിയോ വ്യക്തിവൈരാഗ്യം തീർക്കാനുള്ള ആയുധമോ അല്ലെന്ന് പരമോന്നത കോടതി വ്യക്തമാക്കി. കൃത്യമായ രേഖകളുടെയും വസ്തുതകളുടെയും പിൻബലമില്ലാതെ എടുക്കുന്ന വിരമിക്കൽ ഉത്തരവുകൾ നിയമവിരുദ്ധമാണെന്ന് ജസ്റ്റിസുമാർ ചൂണ്ടിക്കാട്ടി.
വിരമിക്കൽ ഉത്തരവിന് തൊട്ടുമുമ്പ് യോഗ്യതയുടെ (Merit-based) അടിസ്ഥാനത്തിൽ സ്ഥാനക്കയറ്റം ലഭിച്ച ഒരു ഉദ്യോഗസ്ഥന്റെ കാര്യക്ഷമത സ്വയം തെളിയിക്കപ്പെട്ടതാണ്. അദ്ദേഹത്തിന്റെ പഴയതോ അടിസ്ഥാനരഹിതമായതോ ആയ പരാതികൾ കുത്തിപ്പൊക്കി സർവീസിൽ നിന്ന് പടിയടച്ച് പിണ്ഡം വെക്കുന്നത് സ്വേച്ഛാപരവും വിവേചനപരവുമാണ്.
ഭരണഘടനാ അനുച്ഛേദം 311 പ്രകാരമുള്ള സംരക്ഷണങ്ങളെ പിൻവാതിലിലൂടെ അട്ടിമറിക്കുന്ന നടപടിയായി ഇത് മാറരുത്. വിവേചനാധികാരം (Discretion) എന്നത് തോന്നിയതുപോലെ പ്രവർത്തിക്കാനുള്ള ലൈസൻസല്ലെന്ന് കോടതി ആവർത്തിച്ചു.
“നിർബന്ധിത വിരമിക്കൽ ഉത്തരവ് ശിക്ഷാനടപടിയല്ലെന്ന വാദം, ഭരണകൂടത്തിന് എന്ത് അന്യായവും സാധൂകരിക്കാനുള്ള മന്ത്രമല്ല. അധികാര പ്രയോഗം എപ്പോഴും പൊതുജനതാൽപ്പര്യത്തിന്റെയും നീതിബോധത്തിന്റെയും പരിധിക്കുള്ളിലായിരിക്കണം.”