തിരുവനന്തപുരം: സംസ്ഥാനത്തെ തിരുവനന്തപുരം, എറണാകുളം, തൃശൂർ, കോഴിക്കോട് ഗവൺമെന്റ് ലാ കോളേജുകളിലായി 35 അസിസ്റ്റന്റ് പ്രൊഫസർമാരെ നിയമിച്ചു. ഇവർക്കുള്ള നിയമന ഉത്തരവുകൾ ഇന്ന് രാവിലെ 11 മണിക്ക് സെക്രട്ടറിയേറ്റിലെ ദർബാർ ഹാളിൽ നടക്കുന്ന ചടങ്ങിൽ മുഖ്യമന്ത്രി വി. ഡി. സതീശൻ കൈമാറും. ചടങ്ങിൽ ഉന്നത വിദ്യാഭ്യാസ വകുപ്പ് മന്ത്രി റോജി എം. ജോൺ അധ്യക്ഷത വഹിക്കും.

2022-ന് ശേഷം ഗവൺമെന്റ് ലാ കോളേജുകളിൽ അദ്ധ്യാപക നിയമനങ്ങൾ നടന്നിരുന്നില്ല. ഇത് കോളേജുകളുടെ പ്രവർത്തനത്തെയും പഠന നിലവാരത്തെയും കാര്യമായി ബാധിച്ചിരുന്നു. പുതിയ നിയമനത്തോടെ ലാ കോളേജുകളിലെ അദ്ധ്യാപക ക്ഷാമത്തിന് വലിയ പരിഹാരമാകുമെന്നാണ് പ്രതീക്ഷിക്കുന്നത്.

ആറാഴ്ചയ്ക്കുള്ളിൽ പരിശോധന നടത്താൻ നിർദ്ദേശം

സംസ്ഥാനത്തെ എല്ലാ അഫിലിയേറ്റഡ്, കോൺസ്റ്റിറ്റ്യൂവന്റ് ലാ കോളേജുകളിലും ആറാഴ്ചയ്ക്കുള്ളിൽ നേരിട്ട് പരിശോധന നടത്താൻ സർവ്വകലാശാലാ വൈസ് ചാൻസലർമാരോടും രജിസ്ട്രാർമാരോടും ബാർ കൗൺസിൽ ആവശ്യപ്പെട്ടു.

ബാർ കൗൺസിലിന്റെ പുതിയ നിർദ്ദേശങ്ങൾ:
• നിയമ വിദ്യാഭ്യാസം റഗുലർ സ്വഭാവമുള്ളതായിരിക്കണം.
• ഒരു ദിവസം കുറഞ്ഞത് 5 മണിക്കൂറും ആഴ്ചയിൽ കുറഞ്ഞത് 30 മണിക്കൂറും ക്ലാസുകൾ ഉണ്ടായിരിക്കണമെന്ന് കൗൺസിൽ വ്യക്തമാക്കുന്നു.