കൊച്ചി: എറണാകുളം ജില്ലയിൽ പോക്സോ (POCSO) നിയമപ്രകാരമുള്ള കേസുകൾ കൈകാര്യം ചെയ്യുന്ന ഫാസ്റ്റ് ട്രാക്ക് സ്പെഷ്യൽ കോടതികളിൽ സ്പെഷ്യൽ പബ്ലിക് പ്രോസിക്യൂട്ടർമാരുടെ താത്കാലിക തസ്തികകളിലേക്ക് അപേക്ഷ ക്ഷണിച്ചു. ഭാരതീയ നാഗരിക് സുരക്ഷാ സംഹിത (BNSS) സെക്ഷൻ 18(4) പ്രകാരമാണ് യോഗ്യരായ അഭിഭാഷകരിൽ നിന്നും പാനൽ തയ്യാറാക്കുന്നതിനായി അപേക്ഷകൾ ക്ഷണിച്ചിട്ടുള്ളതെന്ന് എറണാകുളം ജില്ലാ കളക്ടർക്ക് വേണ്ടി ഡെപ്യൂട്ടി കളക്ടർ (എം.ടി) കെ. മനോജ് അറിയിച്ചു.

സംസ്ഥാന ആഭ്യന്തര (എൽ) വകുപ്പിന്റെ 01/07/2026-ലെ L4/78/2026-Home നമ്പർ സർക്കാര ഉത്തരവിന്റെയും നിർദ്ദേശത്തിന്റെയും അടിസ്ഥാനത്തിലാണ് ജില്ലാ ഭരണകൂടം നടപടികൾ ആരംഭിച്ചിരിക്കുന്നത്. നിയമനം പൂർണ്ണമായും താത്കാലിക അടിസ്ഥാനത്തിലായിരിക്കും.

പ്രോസിക്യൂട്ടർ തസ്തികയ്ക്കുള്ള പ്രധാന യോഗ്യതകൾ

• 1
  നിയമ ബിരുദവും അംഗത്വവും: അംഗീകൃത സർവ്വകലാശാലയിൽ നിന്നും നേടയിട്ടുള്ള എൽ.എൽ.ബി / എൽ.എൽ.എം നിയമബിരുദവും ബാർ അസോസിയേഷനിൽ സജീവ അംഗത്വവും എൻറോൾമെന്റും ഉണ്ടായിരിക്കണം.
• 2
  പ്രവൃത്തി പരിചയം: ഏതെങ്കിലും ക്രിമിനൽ കോടതികളിൽ കുറഞ്ഞത് 7 (ഏഴ്) വർഷത്തിൽ കുറയാത്ത സജീവ പ്രാക്ടീസും പ്രവൃത്തി പരിചയവും ഉണ്ടായിരിക്കേണ്ടത് നിർബന്ധമാണ്.
• 3
  നിയമ പ്രകാരം: BNSS (ഭാരതീയ നാഗരിക് സുരക്ഷാ സംഹിത) സെക്ഷൻ 18(4) പ്രകാരമുള്ള പാനൽ നിർണ്ണയ മാനദണ്ഡങ്ങൾ പാലിച്ചിരിക്കണം.

അപേക്ഷയോടൊപ്പം ഹാജരാക്കേണ്ട രേഖകൾ

അപേക്ഷകർ തങ്ങളുടെ അപേക്ഷയോടൊപ്പം യോഗ്യത തെളിയിക്കുന്ന താഴെ പറയുന്ന സർട്ടിഫിക്കറ്റുകളുടെ പകർപ്പുകൾ സ്വയം സാക്ഷ്യപ്പെടുത്തി ഹാജരാക്കേണ്ടതാണ്: