LAWYERS OF KERALA
യൂണിയൻ ബാങ്കിൽ 395 സ്പെഷ്യലിസ്റ്റ് ഒഴിവുകൾ! ലോ ഓഫീസർ, സി.എ, ഐ.ടി, എൻജിനീയറിങ് യോഗ്യതയുള്ളവർക്ക് സുവർണ്ണാവസരം | ഓൺലൈൻ അപേക്ഷകൾ ജൂലൈ 21 മുതൽ ഓഗസ്റ്റ് 10 വരെ സ്വീകരിക്കും | ഉയർന്ന വാർഷിക ശമ്പളം 47 ലക്ഷം രൂപ!
യൂണിയൻ ബാങ്കിൽ 395 ഓഫീസർ ഒഴിവുകൾ; വാർഷിക ശമ്പളം 47 ലക്ഷം രൂപ വരെ!
ലോ ഓഫീസർ, ചാർട്ടേഡ് അക്കൗണ്ടന്റ്, ഐ.ടി വിദഗ്ദ്ധർ, എൻജിനീയർമാർ എന്നിവർക്കായി വൻ റിക്രൂട്ട്മെന്റ്. അപേക്ഷിക്കാൻ അവസാന തീയതി ഓഗസ്റ്റ് 10.
യൂണിയൻ ബാങ്ക് ഓഫ് ഇന്ത്യ
സെൻട്രൽ ഓഫീസ്, മുംബൈ
ചിത്രം: കേന്ദ്ര സർക്കാരിനു കീഴിലുള്ള പൊതുമേഖലാ ബാങ്കായ യൂണിയൻ ബാങ്ക് ഓഫ് ഇന്ത്യയുടെ ഔദ്യോഗിക റിക്രൂട്ട്മെന്റ് പരസ്യം.
പൊതുമേഖലാ ബാങ്കിംഗ് രംഗത്തെ മുൻനിരക്കാരായ യൂണിയൻ ബാങ്ക് ഓഫ് ഇന്ത്യ (Union Bank of India) വിവിധ ഡൊമെയ്ൻ സ്പെഷ്യലിസ്റ്റ്, ജനറൽ ബാങ്കിംഗ് ഓഫീസർ തസ്തികകളിലേക്ക് അപേക്ഷകൾ ക്ഷണിച്ചു. മുംബൈ ആസ്ഥാനമായി പ്രവർത്തിക്കുന്ന ബാങ്കിന്റെ ഭാരതത്തിലെയും വിദേശത്തെയും വിവിധ ശാഖകളിലേക്ക് റെഗുലർ അടിസ്ഥാനത്തിലാണ് നിയമനം നടക്കുന്നത്.
ഓൺലൈൻ അപേക്ഷാ സമർപ്പണവും ഫീസ് അടയ്ക്കലും 2026 ജൂലൈ 21 മുതൽ ആരംഭിച്ചു. ഓഗസ്റ്റ് 10 ആണ് അപേക്ഷ സമർപ്പിക്കേണ്ട അവസാന തീയതി. മാനേജർ, സീനിയർ മാനേജർ, ചീഫ് മാനേജർ, അസിസ്റ്റന്റ് ജനറൽ മാനേജർ, ഡെപ്യൂട്ടി ജനറൽ മാനേജർ എന്നീ വിവിധ കേഡറുകളിലായി ആകെ 395 ഒഴിവുകളാണ് ബാങ്ക് വിജ്ഞാപനം ചെയ്തിട്ടുള്ളത്.
അപേക്ഷകർ ശ്രദ്ധിക്കേണ്ട പ്രധാന കാര്യങ്ങൾ:
- ഒരു ഉദ്യോഗാർത്ഥിക്ക് ഒരു തസ്തികയിലേക്ക് മാത്രമേ അപേക്ഷിക്കാൻ സാധിക്കൂ. ഒന്നിലധികം അപേക്ഷകൾ സമർപ്പിച്ചാൽ അവസാനത്തെ സാധുവായ അപേക്ഷ മാത്രമേ പരിഗണിക്കുകയുള്ളൂ.
- തിരഞ്ഞെടുക്കപ്പെടുന്ന ഉദ്യോഗാർത്ഥികളെ ബാങ്കിന്റെ ഇന്ത്യയിലെവിടെയുമുള്ള ശാഖകളിലോ ഓഫീസുകളിലോ നിയമിക്കാവുന്നതാണ്.
- ബേസിക് പേയ്ക്ക് പുറമെ സ്പെഷ്യൽ അലവൻസ്, ഡി.എ, റെസിഡൻഷ്യൽ ക്വാട്ടേഴ്സ്/ലീസ് റെന്റ്, എൽ.എഫ്.സി, മെഡിക്കൽ റീഇംബേഴ്സ്മെന്റ് എന്നിവ ലഭിക്കും.
കേഡറുകളും വാർഷിക ശമ്പളവും (Pay Scale & CTC) ആകെ ഒഴിവുകൾ: 395
ലോ ഓഫീസർ (Law Officer) തസ്തികകളിൽ 30 ഒഴിവുകൾ
ബാങ്കിന്റെ ലീഗൽ വിഭാഗത്തിലേക്ക് വിവിധ സ്കെയിലുകളിലായി 30 ലോ ഓഫീസർ തസ്തികകൾ വിജ്ഞാപനം ചെയ്തിട്ടുണ്ട്. അഡ്വക്കേറ്റുകൾക്കും ബാങ്കിംഗ്/പി.എസ്.യു സ്ഥാപനങ്ങളിൽ പ്രവൃത്തിപരിചയമുള്ള നിയമ വിദഗ്ദ്ധർക്കും അപേക്ഷിക്കാം: